Mu rugendo rw'iminsi itatu Igikomangomba Harry n'umugore we Meghan bagiriraga muri Nijeriya barushoje ejo. Ni urugendo rwari rugamije guteza imbere umukino wa Invectus, Harry yashinze mu myaka 10 ishize. Aha muri Nijeriya yawugeneye ba sekombata bagiye bakomerekera ku rugamba mu bihe bitandukanye.
Ibitero Isirayeli yagabye i Gaza ejo ku cyumweru, byatumye haba uguhangana gukomeye n'umutwe wa Hamas. Minisiteri y’ubuzima yo muri Gaza yatangaje ko umubare w’abamaze kugwa muri iyi ntambara urenze ibihumbi 35.000.
Nyuma y'imyuzure yibasiye uduce dutandukanye two mu karere k’uburasirazuba bw’Afurika harimo n’Uburundi, ingaruka zatewe nayo zatumye iki gihugu gisaba ubufasha bwo guhangana nayo.
Leta ya Sudani y’Epfo yatangije ibiganiro bishya by’amahoro hagati yayo n’imitwe y’inyeshyamba. Kenya ni yo muhuza muri ibi biganiro bibera i Nairobi. Ibiganiro byari biherutse kuba muri 2022 ntacyo byagezeho.
Zambiya, ni kimwe mu bihugu byo muri Afurika cyugarijwe n'ikibazo cya ruswa kigereranywa n'icyorezo. Guhabwa serivisi kwa muganga nabyo bisaba ruswa ngo uvurwe. Perezida wa Zambiya Hakainde Hichilema yavuze ko hari ingamba zafashwe mu kurwanya iki cyorezo anasaba n'ubufatanye mu nzego zitandukanye.
Indege nini itwara abagenzi yo mu bwoko bwa Boeing 737 yanyereye ku kibuga cy’indege i Dakar muri Senegali abantu 10 barakomeraka. Iyi ndege ikoreshwa na sosiyete ya TransAir yari igiye i Bamako muri Mali.
APR BBC yitabiriye imikino ya BAL bwa mbere yitwaye neza itsinda umukino wa kabiri wayihuje na AS Douanes. Uyu mukino warangiye ari amanota 66-61, byongerera APR BBC amahirwe yo kwerekeza mu mikino ya Kamarakama izabera mu Rwanda muri uku kwezi kwa gatanu.
Ikigo gishinzwe kurwanya ruswa cyo muri Nijeriya kivuga ko amabanki y’aho yihariye byibuze 70% by’ibikorwa bifitanye isano na ruswa ikorwa kubera uburiganya. Buri mwaka, abaturage bo muri Nijeriya bageza ibirego bya ruswa bibarirwa mu bihumbi ku buyobozi bwaho.
Mu mujyi wa George wo muri Afurika y’Epfo abatabazi bakomeje gushakisha abararokotse impanuka y’igorofa ryaguye rikiri kubakwa. Iyi nsanganya yabaye kuwa mbere w’iki cyumweru barindwi mu bakozi bagapfa.
Muri Cadi, ejo itora rya perezida ryari rikomeje, nyuma yo gutinzwe igihe kirekire. Rigamije gusezerera ubuyobozi bwa gisirikare bw’imyaka itatu, burangajwe imbere na perezida w’agateganyo, Mahamat Deby Itno. Byitezwe ko Deby azatsinda.
Hisunzwe icegeranyo c'ishirahamwe rijejwe kurwanya ruswa kw'isi, Transparency International yo mu mwaka w'i 2023, nta ntambwe ibihugu bitari bike vyo muri Afrika biriko biragira mu rugamba rwo kurwanya ruswa. Muri Ghana ruswa itwara hafi ibice 20 kw'ijana vy'amafranga reta ikoresha.
Abanyacadi babyukiye mu matora ya perezida bagamije gushyira ku iherezo imyaka itatu ishize igihugu kiyobowe n’umusirikare wahiritse ubutegetsi. Uyu Mahamat Idris Itno yari ahanganye na Ministiri w’intebe Succes Masra.
Voma ibindi